Programdetaloj

Skizo	Tutmondaj Novaĵoj (kunlaboro de Robert Poort kaj Andrej Peĉënkin) - 2020-06-04
Permesilo
Aŭskultu
Teksto	Perforto en Vaŝingtono: lunde, la 1an de junio [2020], en Vaŝingtono, usona prezidanto Donald Trump vizitis preĝejon proksime de la Blanka Domo, kiu ekbrulgis dum manifestaciantoj konfliktis kun polico dum la semajnfino. Por viziti la preĝejon Trump ordonis la armeon forigi el la aero tiutage pacajn manifestaciantojn per larmiga gaso, kaŭĉukaj kugloj kaj malalte flugantaj helikopteroj. Donald Trump senĉese instigas al perforto, uzante rasisman lingvaĵon kaj senhonte incitas ekstremdekstrajn religiulojn, kiuj subtenas la fakte tute ne-religiecan prezidenton. (Laŭ raporto de Studio) Sendokumentuloj petas solidarecon: sabate, la 30an de majo [2020] en Parizo, Francio, pluraj miloj da sendokumentuloj kaj iliaj subtenantoj manifestaciis, malgraŭ la malpermeso de policaj oficialuloj, por postuli "reguligon" de la sendokumentuloj. La manifestaciantoj deklaris: "Ni estas ĉi tie por videbligi la nevideblulojn, la sendokumentulojn, kiuj plej suferas de tiu sanitara krizo, ĉar ili vivas en troloĝataj dormejoj, en kiuj la interpersona distancigo, la higieno ne koincidas kun la sanitaraj reguloj por lukti kontraŭ la kronviruso. Ili estas sen rajtoj, sen mongajnoj kaj sen espero ricevi la monkompensojn proponitajn de la Ŝtato. Por ili, senpaga alireblo al kuracado ne ekzistas, kaj ili havas neniun alian eblon por vivteni sin ol serĉi aliajn vivrimedojn" (Laŭ raporto de Neniam Milito Inter Ni) Manifestacioj kaj protestoj en Usono: lunde, la 25an de majo [2020], afrik-usonano estis mortigita de blankulaj policanoj, kio kaŭzis grandskalajn tumultojn en multaj urboj de Usono. Kiam la nombro de mortintoj en Usono pro la kronvirusa malsano superis cent mil, la evento verŝis oleon sur fajron kaj refoje malkovris la rasan diskriminacion. La 25an de majo en urbo Minneapolis afrik-usonano George Floyd estis kaptita kaj regata kuŝi surtere de policanoj pro la suspekto, ke li uzis falsan monon por aĉeto, kaj unu blankula policano per genuo fortike puŝis lian kolon kelkajn minutojn, kio kaŭzis lian morton. Videaĵo pri la kruela evento popularas interrete kaj konsternis la mondon, kaj en multaj urbocentroj en Usono okazis manifestacioj kaj protestoj. (Laŭ raporto de Ĉina Radio Internacia)