Programdetaloj

Skizo	Elektitaj novaĵoj de El Popola Ĉinio por tiu ĉi semajno. Pliajn informojn kaj aliajn novaĵojn vi trovas en www.espero.com.cn - 2021-04-17
Permesilo
Produktanto	El Popola Ĉinio
Aŭskultu
Teksto	Saluton! Jen la elektitaj novaĵoj de El Popola Ĉinio por tiu ĉi semajno:   – Ĉina ministerio pri eksterlandaj aferoj diskonigas pri Wuhan – Eltrovitaj 364 fosilioj de dinosaŭraj spuroj en la urbo Longyan – Moveblaj vakcinejoj en Pekino – Ĉinio varbos diplomitojn por instrui en kamparo   La novaĵojn laŭtlegas Rafaelo. Bonvolu aŭskulti detalajn informojn! – Ĉina ministerio pri eksterlandaj aferoj diskonigas pri Wuhan La 12an de aprilo en la Blua Halo de la Ĉina Ministerio pri Eksterlandaj Aferoj okazis diskonigo por Hubei-provinco sub la temo "Heroa Hubei: renaskiĝo por nova gloro". Wang Yi, ministro pri eksterlandaj aferoj, diris, ke la 8a de aprilo estis la unua datreveno de "malblokado" de Wuhan, la unua urbo kiu raportis kaj regis la epidemion de KOVIM-19, kaj tiu datreveno estas ne nur memorinda kaj celebrinda de la ĉina popolo, sed ankaŭ altiras atenton de la tuta mondo. – Eltrovitaj 364 fosilioj de dinosaŭraj spuroj en la urbo Longyan Sciencistoj trovis 364 fosiliojn de dinosaŭraj spuroj de la malfrua kretaceo en Shanghang-gubernio de la urbo Longyan, en Ĉinio. Pasintjare, pli ol 240 tiaj fosilioj estis eltrovitaj en Longxiang-vilaĝo, kaj kune kun la ĉijara eltrovaĵoj, la nombro de fosilioj trovitaj en tiu loko jam superas 600. – Moveblaj vakcinejoj en Pekino La 7an de aprilo, en la komerca zono Xidan de Pekino, oficiale ekfunkciis la movebla vakcinejo Hailemiao por vakcinado kontraŭ KOVIM-19. Starigo de vakcinejoj en lokoj, kie troviĝas grandaj homfluoj, povas altigi efikecon de vakcinado kaj diskonigo pri ĝi al preterpasantoj kaj vojaĝantoj. Komence de aprilo en la distriktoj Fengtai, Xicheng, Shunyi kaj Chaoyang de Pekino, sinsekve ekfunkciis tiaj vakcinejoj en loĝkvartaloj, fabrikoj kaj komercaj zonoj. – Ĉinio varbos diplomitojn por instrui en kamparo Ĉinio planas varbi 84 330 universitatajn diplomiĝintojn kiel instruistojn en kamparaj baz- kaj mez-lernejoj en 2021 por antaŭenigi kamparan vigligon, anoncis la Ministerio de Edukado la 7-an de aprilo. La programo celas plibonigi instruadon de iuj malfortaj fakoj en kamparaj lernejoj kiel artoj, fremdaj lingvoj kaj teknologio pri informado. En sia libro Regado de Ĉinio, ĉina prezidanto Xi Jinping klarigas pri kampara revigligo kaj plibonigo de edukado en la lando. Tiuj estis la elektitaj novaĵoj de El Popola Ĉinio por tiu ĉi semajno. Por pliaj informoj kaj aliaj novaĵoj, vizitu nian retejon: www.espero.com.cn