Programdetaloj

Skizo	Elektitaj novaĵoj de El Popola Ĉinio por tiu ĉi semajno. Pliajn informojn kaj aliajn novaĵojn vi trovas en www.espero.com.cn - 2021-06-05
Permesilo
Produktanto	El Popola Ĉinio
Aŭskultu
Teksto	Saluton! Jen la elektitaj novaĵoj de El Popola Ĉinio por tiu ĉi semajno:   – Alia ĉina vakcino ricevis urĝan aprobon de MOS – Eltrovita surgenua statuo kun turnita kapo – Xinjiang en la okuloj de eksterlandaj ĵurnalistoj – Ĉina "artefarita suno" kreis novan rekordon   La novaĵojn laŭtlegas Rafaelo. Bonvolu aŭskulti detalajn informojn! – Alia ĉina vakcino ricevis urĝan aprobon de MOS Tedros Adhanom Ghebreyesus, ĝenerala direktoro de Monda Organizaĵo pri Sano, diris en gazetara konferenco la unuan de junio, ke la vakcino Coronavac el la kompanio Sinovac estas pruvite sekura, efika kaj bonkvalita, kaj ĝi jam estis enlistigita de MOS por urĝa uzo. Krome, pro ĝia facila konservado, la vakcino estas taŭga por rimedmalriĉaj lokoj. Alia ĉina vakcino, disvolvita de la kompanio Sinopharm, pasintmonate estis aprobita de MOS por urĝa uzo. – Eltrovita surgenua statuo kun turnita kapo Bronza statueto estas eltrovita en Sanxingdui-ruinoj de Sichuan- provinco de Ĉinio. La kapo de la surgenua statuo turnas dekstren kun kunmeto de manplatoj, kaj longa bronzaĵo estas sur lia kapo. Estas la unua fojo, ke oni trovas tian statuon. – Xinjiang en la okuloj de eksterlandaj ĵurnalistoj Inter la 24-a kaj la 31-a de majo pli ol 20 ĉinaj kaj eksterlandaj ĵurnalistoj vizitis Urumĉion kaj aliajn urbojn de la Xinjiang-a Ujgura Aŭtonoma Regiono de Ĉinio. Tie ili propraokule vidis la ekonomian disvolviĝon kaj pliboniĝon de vivkondiĉoj de lokanoj. Pluraj raportoj pri Xinjiang estas nun aperigataj ĉe El Popola Ĉinio. – Ĉina "artefarita suno" kreis novan rekordon La 28-an de majo, estis kreita nova monda rekordo pri eksperimenta superkonduktanta tokamak-o, maŝino kiun oni kromnomas "artefarita suno" kaj estas promesplena pura energifonto por la estonteco, ĉe Hefei-a Instituto pri Plasma Fiziko de Ĉina Akademio pri Sciencoj. En sia libro Regado de Ĉinio, ĉina prezidanto Xi Jinping klarigas, ke disvolvado de puraj energifontoj estas necesa por venki la batalon kontraŭ poluado. Tiuj estis la elektitaj novaĵoj de El Popola Ĉinio por tiu ĉi semajno. Por pliaj informoj kaj aliaj novaĵoj, vizitu nian retejon: www.espero.com.cn