Programdetaloj

Skizo	Elektitaj novaĵoj de El Popola Ĉinio por tiu ĉi semajno. Pliajn informojn kaj aliajn novaĵojn vi trovas en www.espero.com.cn - 2021-09-04
Permesilo
Produktanto	El Popola Ĉinio
Aŭskultu
Teksto	Saluton! Jen la elektitaj novaĵoj de El Popola Ĉinio por tiu ĉi semajno: – Ĉinio disvolvos amikajn rilatojn kun Afganio – Reaperis grandioza migrado de tibetaj antilopoj – Ĉinaj lernejoj malfermiĝis kun politiko de "duobla redukto" – Ĉinio stokados karbonan dioksidon en la maro La novaĵojn laŭtlegas Rafaelo. Bonvolu aŭskulti detalajn informojn! – Ĉinio disvolvos amikajn rilatojn kun Afganio Wang Wenbin, proparolanto de la Ĉina Ministerio de Eksterlandaj Aferoj, ripetis, ke Ĉinio daŭre disvolvos amikajn kaj kunlaborajn rilatojn kun Afganio. Samtempe Chen Xu, ambasadoro de Ĉinio ĉe la Konsilio pri Homaj Rajtoj de Unuiĝintaj Nacioj, diris, ke eksterlandaj fortoj devas esti respondecaj pri malobservoj de homaj rajtoj en Afganio. – Reaperis grandioza migrado de tibetaj antilopoj En lastaj jaroj la ŝtatnivela naturrezervejo de Hoh Xil sur Qinghai- Tibeta Altebenaĵo bremsis la ŝtelĉasadon kaj kontrabandon de tibetaj antilopoj, kies populacio kreskis al pli ol 70 mil el nur 20 mil. Lastatempe reaperis la grandioza migrado de la bestoj. La statuso de ĉina tibeta antilopo estis ŝanĝita de "endanĝerigita" al "preskaǔ minacata". – Ĉinaj lernejoj malfermiĝis kun politiko de "duobla redukto" Plej multaj ĉinaj lernejoj malfermiĝis en la 1-a de septembro, efektivigante la politikon de "duobla redukto", kreita de la registaro por malŝarĝi lernantojn je troaj hejmtaskoj kaj postlernejaj kursoj. La nova semestro estos la unua sen profitocelaj postlernejaj kursoj, kaj ĉiu lernejo devas liveri almenaŭ du-horan postlernejan servon en la nova semestro. – Ĉinio stokados karbonan dioksidon en la maro Ĉina Nacia Enmara Petrol-korporacio anoncis, ke estis oficiale lanĉita la unua prov-projekto pri enmara stokado de karbona dioksido de Ĉinio. Tio estas grava paŝo por atingi karbonan neŭtralecon. En sia libro Regado de Ĉinio, ĉina prezidanto Xi Jinping klarigas, ke ni devas protekti nian planedon kaj kuraci vundojn en la ekomedio, por ke ekosistemoj revigliĝu kaj homoj havu pli bonan vivmedion. Tiuj estis la elektitaj novaĵoj de El Popola Ĉinio por tiu ĉi semajno. Por pliaj informoj kaj aliaj novaĵoj, vizitu nian retejon: www.espero.com.cn