Programdetaloj

Skizo	Elektitaj novaĵoj de El Popola Ĉinio por tiu ĉi semajno. Pliajn informojn kaj aliajn novaĵojn vi trovas en www.espero.com.cn - 2021-09-11
Permesilo
Produktanto	El Popola Ĉinio
Aŭskultu
Teksto	Saluton! Jen la elektitaj novaĵoj de El Popola Ĉinio por tiu ĉi semajno: – Ĉina astronaŭto pasigis 100 tagojn en orbito! – Kuracistoj por murpentraĵoj – Manĝejo por aziaj elefantoj en Yunnan – Ĉinio publikigis ​Ŝtatan Agadplanon pri Homaj Rajtoj por 2021- 2025 La novaĵojn laŭtlegas Rafaelo. Bonvolu aŭskulti detalajn informojn! – Ĉina astronaŭto pasigis 100 tagojn en orbito! La ĉina astronaŭto Nie Haisheng partoprenis en du flugoj al la spaco, unu per la kunhoma spacveturilo Shenzhou-6 en oktobro 2005 kaj la alia per la spacveturilo Shenzhou-10 en junio 2013. Ĉi-jare de la 17- a de junio ĝis nun li plenumas la trian mision al la spaco per la spacveturilo Shenzhou-12. Li ricevis la titolon "heroa astronaŭto – Kuracistoj por murpentraĵoj Li Yunhe, avo de Li Xiaoyang, estas ĉefa figuro pri restaŭrado de ĉinaj murpentraĵoj. Dum 60 jaroj li restaŭris preskaŭ 4 000- kvadrat-metrajn murpentraĵojn. Li Bo, onklo de Li Xiaoyang, ankaŭ estas altranga "kuracisto kiu riparas murpentraĵojn jam de pli ol 20 jaroj. Sub gvidado de siaj avo kaj onklo, Li Xiaoyang venis al la Dunhuang-a Esplor-akademio por praktiko post diplomiĝo en universitato, kaj ankaŭ fariĝis kuracisto por murpentraĵoj. – Manĝejo por aziaj elefantoj en Yunnan Ekfunkciis 66-hektara manĝejo por aziaj elefantoj en Jinghong-urbo, Xishuangbanna-a Taja Aŭtonoma Subprovinco en Yunnan-provinco de sudokcidenta Ĉinio. En la manĝejo estas bananujoj kaj aliaj plantoj, kiuj provizas frandaĵojn ŝatatajn de elefantoj. Kelkaj elefantoj jam vizitis la lokon. Laǔ fakuloj, se la elefantoj satiĝos en la manĝejo, ili ne plu serĉos manĝaĵojn en homloĝejoj kaj kampoj. – Ĉinio publikigis ​Ŝtatan Agadplanon pri Homaj Rajtoj por 2021-2025 La 9-an de septembro la Informa Oficejo de la Ŝtata Konsilantaro de Ĉinio publikigis la Ŝtatan Agadplanon pri Homaj Rajtoj por 2021- 2025. La plano montras, ke ĉiuflanka konstruado de socialisma moderna lando estas la nova startpunkto por ĉina homrajta afero. En sia libro Regado de Ĉinio, ĉina prezidanto Xi Jinping klarigas, ke Ĉinio klopodas por antaŭenigi homajn rajtojn kune kun ĉiuj popoloj de la mondo por konstrui Homaram Komunumon de Komuna Estonteco. Tiuj estis la elektitaj novaĵoj de El Popola Ĉinio por tiu ĉi semajno. Por pliaj informoj kaj aliaj novaĵoj, vizitu nian retejon: www.espero.com.cn