Programdetaloj

Skizo	Elektitaj novaĵoj de El Popola Ĉinio por tiu ĉi semajno. Pliajn informojn kaj aliajn novaĵojn vi trovas en www.espero.com.cn - 2021-10-23
Permesilo
Produktanto	El Popola Ĉinio
Aŭskultu
Teksto	Saluton! Jen la elektitaj novaĵoj de El Popola Ĉinio por tiu ĉi semajno: - Olimpika flamo atingis Pekinon! - Kion ni scias pri la specimeno de luna grundo venigita de la sondilo Chang'e-5? - Trajno por ĉin-laosa fervojo atingis Vjentjanon - Dekmil migrantaj birdoj atingis Internan Mongolion de Ĉinio La novaĵojn laŭtlegas Rafaelo. Bonvolu aŭskulti detalajn informojn! - Olimpika flamo atingis Pekinon! La olimpika flamo, kiu brulos por la Pekinaj Vintraj Olimpikoj, ekbrulis la 18an de oktobro ĉe la naskiĝloko de Olimpikoj en la antikva Olimpio, Grekio. La 19an de oktobro la flamo estis transdonita al la Organiza Komitato de la Pekinaj Vintraj Olimpikoj en la stadiono Panatenajko en Ateno, kaj matene de la 20-a de oktobro ĝi estis bonvenigita en Pekino per ceremonio ĉe la Pekina Olimpika Turo. - Kion ni scias pri la specimeno de luna grundo venigita de la sondilo Chang'e-5? La 19an de oktobro la Ĉina Akademio pri Sciencoj publikigis la plej novajn esplorrezultojn pri la specimeno de luna grundo venigita de la sondilo Chang'e-5. Ĝi estas nova speco de luna bazalto, kiu atestas, ke magmo ankoraŭ ekzistis sur la luno antaŭ 2 miliardoj da jaroj. La luna mantela areo, de kie venas tiu malfrua magmo, ne estas riĉa je radioaktivaj varmogeneraj elementoj kaj estas tre seka - Trajno por ĉin-laosa fervojo atingis Vjentjanon La 16-an de oktobro la trajno por ĉin-laosa fervojo atingis Vjentjanon, ĉefurbo de Laoso, kaj estis oficiale transdonita al la Laos-ĉina Fervoja Kompanio. La ceremonion ĉeestis Jiang Zaidong, ĉina ambasadoro en Laoso, kaj Viengsavath Siphandone, laosa ministro pri publikaj vorkoj kaj transportado. - Dekmil migrantaj birdoj atingis Internan Mongolion de Ĉinio Pli kaj pli malvarmiĝas, kaj multaj birdoj flugas suden. En la Horqin-a Ŝtatnivela Naturrezervejo de la Interna Mongolio, norda Ĉinio, estas vidataj preskaǔ dekmil migrantaj birdoj, inkluzive de raraj birdoj kiel blanka gruo kaj orienta cikonio. En sia libro Regado de Ĉinio, ĉina prezidanto Xi Jinping klarigas, ke mediprotektado havas kernan rolon en la planoj de Ĉinio por nacia disvolviĝo, kaj konstruado de bela lando daŭre inspiras la ĉinan popolon. Tiuj estis la elektitaj novaĵoj de El Popola Ĉinio por tiu ĉi semajno. Por pliaj informoj kaj aliaj novaĵoj, vizitu nian retejon: www.espero.com.cn