Programdetaloj

Skizo	Elektitaj novaĵoj de El Popola Ĉinio por tiu ĉi semajno. Pliajn informojn kaj aliajn novaĵojn vi trovas en www.espero.com.cn - 2022-01-01
Permesilo
Produktanto	El Popola Ĉinio
Aŭskultu
Teksto	Saluton! Jen la elektitaj novaĵoj de El Popola Ĉinio por tiu ĉi semajno: – Viv-elsenda vendado pliigas enspezon en vilaĝoj – Tigropentrado por tigrojaro en Malajzio – Ĉinio lanĉis novan sateliton – Ekfunkcios informa centro por Vintraj Olimpikoj La novaĵojn laŭtlegas Rafaelo. Bonvolu aŭskulti detalajn informojn! – Viv-elsenda vendado pliigas enspezon en vilaĝoj En la urbo Qianan de la provinco Hebei, la registaro subtenas la disvolviĝon pri agrikulturo, instigas kamparanojn vendi agrikulturajn produktojn interrete, kaj organizas trejnadojn por plibonigi la lertecon de kamparanoj pri viv-elsendo. Nuntempe en la urbo Qianan estas pli ol 100 kamparanoj kaj kelkaj agrikulturaj entreprenoj, kiuj rete vendas siajn proprajn agrikulturajn produktojn per viv-elsendo. En vintro agrikultura laboro malabundas, aliflanke en tiu sezono ili okupiĝas pri vendado de agrikulturaj produktoj. – Tigropentrado por tigrojaro en Malajzio La 26an de decembro en Bentong de Pahang-ŝtato, en Malajzio, loka ĉina grupo organizis pentristojn kaj lernantojn pentri tigrojn por bonvenigi la ĉinan novjaron -- la tigrojaron, kio komenciĝos en la 1a de februaro 2022. La bildo estas longa je 11.5 metroj kaj larĝa je 4.5 metroj. – Ĉinio lanĉis novan sateliton Je la 11a horo kaj 11 minutoj de la 26-a de decembro en la satelit- lanĉa centro en Taiyuan de la provinco Shanxi, la satelito ZY-1 02E estis lanĉita al la kosmo per la portoraketo Longa Marŝo 4C. La satelito eniris la planitan orbiton, kio indikas, ke la misio sukcesis. – Ekfunkcios informa centro por Vintraj Olimpikoj Dum la Pekinaj Vintraj Olimpikoj kaj Paralimpikoj, la informa centro por la Olimpikoj funkcios en la kunven-centro de la Pekina Internacia Hotelo, de la 1-a ĝis la 20-a de februaro 2022. La centro servos al la oficialaj raportistoj kiuj ne registris sin por la Olimpikoj. La servoj inkludas informadojn kaj publikajn servojn laǔ la reguloj de la gastiganta urbo kaj internaciaj kutimoj. Tiuj estis la elektitaj novaĵoj de El Popola Ĉinio por tiu ĉi semajno. Por pliaj informoj kaj aliaj novaĵoj, vizitu nian retejon: www.espero.com.cn. La redaktejo de El Popola Ĉinio deziras al vi feliĉan novjaron!