Programdetaloj

SkizoElektitaj novaĵoj de El Popola Ĉinio por tiu ĉi semajno. Pliajn informojn kaj aliajn novaĵojn vi trovas en www.espero.com.cn
PermesiloCC-BY-SA 3.0
ProduktantoEl Popola Ĉinio
Aŭskultu
TekstoSaluton! Jen la elektitaj novaĵoj de El Popola Ĉinio por tiu ĉi semajno:

– Kunluaj bicikloj de Ĉinio populariĝas eksterlande.

– Indoneziaj studentoj donis sangon en Ĉinio.

– Pli bonaj vojoj vigligas komercon inter Pakistano kaj Ĉinio.

– Okazis la unua senkontrola intervjuo farita de roboto-raportisto.

La novaĵojn laŭtlegas Rafaelo, bonvolu aŭskulti detalajn informojn.

– Kunluaj bicikloj de Ĉinio populariĝas eksterlande.

Ĉina sistemo de kunluaj bicikloj estas tre oportuna, ĉar ĝi permesas al la luanto libere parki la biciklon post veturado. Post liveri siajn servojn al pluraj ĉinaj urboj, ĉinaj bicikloluaj firmaoj nun eniras alilandajn merkatojn: Ofo-bicikloj, nuntempe troveblaj en Ĉinio kaj Singapuro, ankoraŭ ĉijare estos disponeblaj en aliaj 20 landoj. Ankaŭ Mobike pretiĝas por liveri siajn servojn al aliaj landoj.

– Indoneziaj studentoj donis sangon en Ĉinio.

En la sud-okcidenta ĉina urbo Chongqing, la altaj temperaturoj kaŭzis malkreskon de sangodonado, kun konsekvenca reduktiĝo de sangostoko en loka sangocentro. Kampanjo por stimuli sangodonadon kaptis la atenton de lokaj indoneziaj studentoj, kiuj faris indonezistilan prezentadon kaj sekve donacis sangon en sangokolekta buso. Entute 52 studentoj partoprenis en la aktivaĵo.

– Pli bonaj vojoj vigligas komercon inter Pakistano kaj Ĉinio.

La pakistana Komercisto Karim, kiu transportas gemojn, metiaĵojn kaj specialaĵojn el Meza Azio al Ĉinio, deklaris ke la konstruo de Ĉina-Pakistana Ekonomia Koridoro plibonigis transporton inter ambaŭ landoj. Li bezonas nur kvin horojn por iri de sia hejmo al la ĉina Taĝika Aŭtonoma Gubernio Taxkorgan, kie li negocas siajn varojn. Lia patro, kiu estigis la negocon antaŭ 24 jaroj, bezonis multe pli da tempo por atingi la saman lokon.

– Okazis la unua senkontrola intervjuo farita de roboto-raportisto.

Jiajia, robot-raportistino de Xinhua novaĵ-agentejo, estis elektita por intervjui la usonan fakulon pri teknologio Kevin Kelly, fondinto de la gazeto Wired. Kelly akceptis la intervjuo sub la kondiĉo, ke ĝi ne estu kontrolita. Tiu estis la unua fojo, ke roboto intervjuis homon sen homa kontrolo. La demandoj de la intervjuo ne estis antaŭe aranĝitaj. Jiajia ankaŭ intervjuis aliajn homojn.

Tiuj estis la elektitaj novaĵoj de El Popola Ĉinio por tiu ĉi semajno. Por pliaj detaloj kaj aliaj novaĵoj vizitu nian retejon www.espero.com.cn.