Programdetaloj

SkizoElektitaj novaĵoj de El Popola Ĉinio por tiu ĉi semajno. Pliajn informojn kaj aliajn novaĵojn vi trovas en www.espero.com.cn
PermesiloCC-BY-SA 3.0
ProduktantoEl Popola Ĉinio
Aŭskultu
TekstoSaluton! Jen la elektitaj novaĵoj de El Popola Ĉinio por tiu ĉi semajno:
 
– Inaŭguriĝis en Ŝanhajo Ĉina Internacia Importa Ekspozicio.
– Pekina Opero estis prezentita en Japanio memore al ĉin-japana traktato.
– Metroa vagonaro de "smurfoj" transportas homojn al Ĉina Internacia Importa Ekspozicio.
– Ĉinio ekrolis kiel deĵoranta prezidanto de la Sekureca Konsilio de UN.
 
La novaĵojn laŭtlegas Rafaelo. Bonvolu aŭskulti detalajn informojn.
 
– Inaŭguriĝis en Ŝanhajo Ĉina Internacia Importa Ekspozicio.
 
La 5-an de novembro estis oficiale inaŭgurita Ĉina Internacia Importa Ekspozicio, kiu estis planita por la periodo de la 5a ĝis la 10a de novembro. Ĉina prezidanto Xi Jinping deklaris ĝin malfermita. Dum la ekspozicio, pli ol 3 600 entreprenoj el 172 landoj, regionoj kaj internaciaj organizoj eksponas siajn disvolvajn atingojn kaj internacian figuron, kaj diskutas kun ĉinaj kaj alilandaj aĉetantoj por serĉi komunan disvolvadon.
 
– Pekina Opero estis prezentita en Japanio memore al ĉin-japana traktato.
 
Memore al la 40-jara jubileo de la Ĉin-Japana Traktato pri Paco kaj Amikeco, en la fino de oktobro kaj en la komenco de novembro, speciala trupo de Pekina Opero de la Ŝanhaja Teatra Akademio turneis en Japanio. La trupo, kiu konsistas el instruistoj kaj studentoj de la akademio, prezentis diversajn fragmentojn de Pekina Opero en Tokio, Osaka, Kioto kaj Oita. La trupon akceptis la Konfuceaj Institutoj de la universitato Obirin, la Industria Universitato de Osaka, la universitato Ritsumeikan kaj la azi-pacifika universitato Ritsumeikan.
 
– Metroa vagonaro de "smurfoj" transportas homojn al Ĉina Internacia Importa Ekspozicio.
 
En la 20-a de oktobro aperis sur la 2-a linio de ŝanhaja metroo interesa vagonaro kun smurfoj surpentritaj. Ĝi veturas al la eksponejo de la 1-a Ĉina Internacia Importa Ekspozicio. La vagonaro de "smurfoj" estas kune farita de la ĉina grupo Lingang kaj la belga haveno Zeebrugge por diskonigi la ekspozicion. Ĉi-jare estas la 60-a datreveno de naskiĝo de "smurfoj", kiuj estis alportitaj al la ekspozicio, kiel simbolo de belga kulturo, por simboli la amikecon inter Ĉinio kaj Belgio kaj aldoni koloron al la evento.
 
– Ĉinio ekrolis kiel deĵoranta prezidanto de la Sekureca Konsilio de UN.
 
La 31-an de oktobro, Lu Kang, proparolanto de la Ministerio pri Eksterlandaj Aferoj de Ĉinio, anoncis en la regula gazetara konferenco, ke ekde la 1-a de novembro, Ĉinio oficiale transprenis la deĵorantan prezidantecon de la Sekureca Konsilio de Unuiĝintaj Nacioj. Kiel deĵoranta prezidanto, Ĉinio aktive antaŭenigos la procezon por politike solvi regionajn aferojn laŭ la celoj kaj principoj de Ĉarto de Unuiĝintaj Nacioj kaj ludos gravan rolon por konservado de mondaj paco kaj sekureco.
 
Tiuj estis la elektitaj novaĵoj de El Popola Ĉinio por tiu ĉi semajno. Por pliaj informoj kaj aliaj novaĵoj vizitu nian retejon: www.espero.com.cn