Programdetaloj

Skizo	Elektitaj novaĵoj de El Popola Ĉinio por tiu ĉi semajno. Pliajn informojn kaj aliajn novaĵojn vi trovas en www.espero.com.cn - 2018-05-23
Permesilo
Produktanto	El Popola Ĉinio
Teksto	Saluton! Jen la elektitaj novaĵoj de El Popola Ĉinio por tiu ĉi semajno:   – Ministroj pri eksterlandaj aferoj de Britio, Francio, Germanio kaj Irano konfirmis subtenojn al nuklea interkonsento kun Irano.   – Ĉina nova superkomputilo Tianhe-3 debutis.   – Ŝanhaja Kunlabora Organizo liveras endogenan movforton por regiona ekonomia kunlaboro.   – Ĝenerala sekretario de Unuiĝintaj Nacioj: la "Dulanda Projekto" estas la unika vojo por solvi palestina-israelan konflikton.   La novaĵojn laŭtlegas Rafaelo. Bonvolu aŭskulti detalajn informojn.     – Ministroj pri eksterlandaj aferoj de Britio, Francio, Germanio kaj Irano konfirmis subtenojn al nuklea interkonsento kun Irano.   La 15-an de majo en Bruselo, Belgio, Mohammad Javad Zarif, ministro pri eksterlandaj aferoj de Irano, renkontiĝis kun Federica Mogherini, supera reprezentanto de Eŭropa Unio pri politikoj de diplomatio kaj sekureco, kaj kun ministroj pri eksterlandaj aferoj de Germanio, Francio kaj Britio, kiuj estas tri eŭropaj subskribintoj de la nuklea interkonsento kun Irano. Post la renkontiĝo, Zarif diskonigis, ke por protekti la interesojn de restantaj subskribintoj de la nuklea interkonsento kun Irano, la du flankoj faris "bonan interparoladon" kaj nuntempe estas sur la "ĝusta vojo".     – Ĉina nova superkomputilo Tianhe-3 debutis.   En la okazanta 2-a Monda Kongreso pri Inteligenteco, Ŝtata Superkomputila Centro en Tianjin, Ĉinio, prezantas prototipon de la nova superkomputilo Tianhe-3, kun mastruma rapido de mil petaflopoj po sekundo. Tio estas la unua fojo, ke la superkomputilo Tianhe-3 estas oficiale prezentita. Laŭraporte, la prototipo de Tianhe-3 estos lanĉita en junio kaj ekuzita antaŭ la fino de la kuranta jaro.     – Ŝanhaja Kunlabora Organizo liveras endogenan movforton por regiona ekonomia kunlaboro.   Ŝanhaja Kunlabora Organizo nun estas stabiligilo en Eŭrazio, kaj ĝia ekonomia efiko iom post iom elstariĝas. La internacia komerca protektismo leviĝas, tamen la ekonomia kunlaboro kadre de ŜKO montras bonan tendencon. En 2017 la komerca sumo inter Ĉinio kaj membrolandoj de ŜKO kalkuliĝis al 217,6 miliardoj da usonaj dolaroj.     – Ĝenerala sekretario de Unuiĝintaj Nacioj: la "Dulanda Projekto" estas la unika vojo por solvi palestina-israelan konflikton.   La 14-an de majo, António Guterres, ĝenerala sekretario de Unuiĝintaj Nacioj, publikigis gazetaran komunikaĵon por esprimi zorgon pri la teritorio de Palestino okupita de Israelo kaj seriozaj konfliktoj en Gaza, kiuj kaŭzis vundiĝon kaj morton al multaj homoj. Li refoje substrekis, ke ne ekzistas alia alternativo ol la paca kunvivado inter Palestino kaj Israelo kaj la "Dulanda Projekto", kun Jerusalemo kiel ĉefurbo de ambaŭ landoj samtempe.   Tiuj estis la elektitaj novaĵoj de El Popola Ĉinio por tiu ĉi semajno. Por pliaj informoj kaj aliaj novaĵoj vizitu nian retejon: www.espero.com.cn.