Programdetaloj

SkizoElektitaj novaĵoj de El Popola Ĉinio por tiu ĉi semajno. Pliajn informojn kaj aliajn novaĵojn vi trovas en www.espero.com.cn
PermesiloCC-BY-SA 3.0
ProduktantoEl Popola Ĉinio
Aŭskultu
TekstoSaluton! Jen la elektitaj novaĵoj de El Popola Ĉinio por tiu ĉi semajno:

-- Fakuloj pri ĉinaj studoj debatis pri la "nova normala stato" de Ĉinio

-- Seulo gastigis altnivelan dialogon inter Ĉinaj kaj Sud-koreaj amaskomunikiloj

-- Paca liberiĝo de Tibeto 65-jariĝis

-- Pintkunveno de Grupo 20 fokusiĝos al inkluziva kaj komuna disvolvado

La novaĵojn laŭtlegas Rafaelo, bonvolu aŭskulti detalajn informojn.

-- Fakuloj pri ĉinaj studoj debatis pri la "nova normala stato" de Ĉinio

Inter la 22-a kaj la 23-a de majo, okazis en Seulo la Orient-Azia Simpozio de la Monda Forumo pri Ĉina Studado. Diskutoj pri la "nova normala stato" de la ĉina ekonomio kaj la perspektivo de ekonomia disvolviĝo de orienta Azio estis interesaj kaj atentokaptaj.

-- Seulo gastigis altnivelan dialogon inter Ĉinaj kaj Sud-koreaj amaskomunikiloj

Reprezentantoj de preskaŭ 30 ĉefaj amaskomunikiloj diskutis pri kunlaboro kaj kulturaj interŝanĝoj inter Ĉinio kaj Sudkoreio dum la Oka Altnivela Dialogo inter Ĉinaj kaj Sud-koreaj Amaskomunikiloj, kiu okazis en Seulo, la 23-an de majo.

-- Paca liberiĝo de Tibeto 65-jariĝis

En majo 1951 la Centra Popola Registaro kaj la loka registaro de Tibeto subskribis la "17-artikolan Interkonsenton" pri rimedoj por paca liberiĝo de Tibeto. Ekde tiam, la regiono akiris gravajn atingojn, inter ili la efektivigo de la 15-jara senpaga edukado kaj la longiĝo de averaĝa vivdaŭro de tibetanoj de 35.5 jaroj en la 1950-aj jaroj al 68.17 jaroj.

-- Pintkunveno de Grupo 20 fokusiĝos al inkluziva kaj komuna disvolvado

Ĉi-jara Pintkunveno de Grupo 20, kiu okazos en la ĉina urbo Hangzhou en septembro, havos kiel unu el la diskutotaj temoj "inkluziva kaj interaktiva disvolvado". Dum la pintkunveno estos kreita agadplano por efektivigo de la tagordo pri daŭripova disvolvado antaŭ 2030 kaj alprenos komunajn kaj naciajn agadojn .

Tiuj estis la elektitaj novaĵoj de El Popola Ĉinio por tiu ĉi semajno. Por pliaj detaloj kaj aliaj novaĵoj vizitu nian retejon www.espero.com.cn.