Programdetaloj

Skizo	Tutmondaj Novaĵoj (kunlaboro de Robert Poort kaj Andrej Peĉënkin) http://novajhoj.weebly.com/
Permesilo
Aŭskultu
Teksto	Merkrede, la 15-an de januaro, la ĉefministro de Rusio Dmitrij Med-vedev anoncis kompletan ek-siĝon de la registaro de Rusio. Li faris tion post ĉiujara alparolo de la prezidanto de Rusio Vladimir Putin al la Federacia Asembleo de Rusio, en kiu la prezidanto interalie proponis reformi la Konstitucion. Dmitrij Med-vedev okupos la nov-kreo-tan postenon de la vic-prezidanto de la Konsilio pri Sekureco de Rusio, kies prezidanto estas Vladimir Putin. La financa merkato reagis al la novaĵo per eta malkresko de la ru-blo, sed fine de la tago la kur-zo stabi-liĝis kaj eĉ superis la antaŭan. Multaj ekspertoj klarigas tion per mal-popula-reco de la registaro de Dmitrij Medvedev kaj esperoj, ligitaj al granda sociala programo, anoncita de la prezidando. (raporto de Vikinovaĵoj) Rusa ministro pri eksterlandaj aferoj Sergei Lavrov diris lunde, la 13-an de januaro, ke tiutage en Moskvo la du partioj de la libia konflikto akiris certan progreson en intertraktado pri batalhalto de la interna milito. Rusaj amaskomunikiloj raportis, ke sub la mediaciado de Rusio kaj Turkio, gvidantoj de la du partioj de Libio okazigis kelkhoran nerektan intertraktadon en Moskvo. Lavrov diris, kiam li resumis rezultojn de la intertraktado, ke certa progreso estis farita en la intertraktado. Laŭ la interkonsento, la du partioj devas efektivigi senkondiĉan batalhalton kaj stabiligi la situacion en la ĉefurbo Tripolo kaj aliaj urboj. Krome, ili devas formi mediacian laborgrupon kaj okazigi ĝian unuan kunvenon en tiu ĉi monato. (raporto de ĈRI)